"Sanyatana, Kami parantos nyiptakeun manusa dina wangun anu pangsaéna." (95:4)
"Maka Maha Suci Allah, Nu Pangsaéna tina sadaya nu nyiptakeun!" (23:14)
“Padamelan Allah anu parantos nyampurnakeun saniskara perkawis (nu diciptakeun ku Mantenna)." (27:88)
“Mantenna mangrupikeun Nu parantos ngadamel kalayan sampurna saniskara perkawis nu diciptakeun ku Mantenna.” (32:7)
"Anjeun moal mendakan kakirangan dina ciptaan Nu Maha Welas Asih. Mangga tingali deui: naha anjeun ningal aya anu cacat?" (67:3)
Quran sacara tétéla nétélakeun yén saniskara nu didamel ku Allah téh sampurna sarta teu aya kakirangan pisan. Nanging, nalika cacat bawaan lahir sareng mutasi genetik dicaritakeun, para apologet bakal nyatakeun yén perkawis éta téh mung saukur “bagean tina katangtosan Allah”.
Aya seueur kakirangan dina waruga sato, nanging upami kedah didaptarkeun sadayana tinentu bakal nyandak waktos anu kalintang lami (Mangga tingali: rarancang beuheung jerapah sareng kumaha perkawis éta tiasa dirarancang langkung saé), ku kituna sim kuring mung badé nyarioskeun ngeunaan waruga manusa.
- Salaku tuladan, tulang panggul wanita anu heureut teuing, anu ngajantenkeun prosés ngalahirkeun kalintang nyerina. Nanging, sababaraha umat Muslim teu nampi atanapi teu ngaku kana perkawis ieu sarta teras-terasan ngabela pernikahan murangkalih (anu masih lumangsung di nagara-nagara sapertos Yaman, Afghanistan, Libanon, jst.) sarta ngajantenkeun barudak awéwé anu masih anom ieu kedah ngalaman kasangsaraan nalika prosés ngalahirkeun.
Allah kalayan dihaja ngadamel panggul heureut teuing supados ngalahirkeun karasa nyeri, sarta salajengna Mantenna ngawenangkeun pernikahan murangkalih supados barudak awéwé kedah nandangan kasangsaraan tina perkawis éta.
Naha perkawis ieu katingal sapertos tindakan ti Gusti Nu Maha Welas Asih? Atanapi naha sadaya ieu mangrupikeun bagean tina katangtosan Mantenna?
2. Seueur jalmi panyokong kreasionisme (creationists) anu nuduhkeun panon manusa salaku bukti rarancang calakan (intelligent design) ti Gusti, sarta kumaha perkawis éta moal tiasa kabentuk ngalangkungan évolusi. Nanging, panon manusa ngagaduhan seueur kakirangan, sapertos retina anu tibalik (backwards retina) sareng ayana titik lolong (blind spot).
“Rarancang ieu maksa cahaya pikeun lumampah sapanjang sél, ogé ngaliwatan getih sareng jaringan, supados tiasa dugi ka bagian anu sabanding sareng panarima dina bagian pengker sél. Kaayaan ieu tiasa ngajantenkeun retina gampang leupas tina jaringan anu ngarojongna, anu janten marga utama lolong.”
Perkawis anu kalintang teu kahartos pisan ku naon aya perancang anu ngadamel kaayaan sapertos kieu, jalaran sababaraha sato sapertos cumi-cumi sareng gurita henteu ngagaduhan retina anu tibalik, sahingga henteu ngagaduhan titik lolong.
Sababaraha sato ogé ngagaduhan panon anu langkung saé tibatan manusa, sapertos bueuk sareng dadali. Sarta sababaraha di antarana ngagaduhan panon anu langkung seukeut dina waktos wengi.
Ku kituna, panon manusa téh henteu sampurna pisan, sarta sanés mangrupikeun rarancang anu calakan. Kanyataan yén seueur jalmi anu kedah nganggo kacamata mangrupikeun bukti tina perkawis éta.
3. Manusa ngagaduhan seueur otot anu henteu dianggo anu mangrupikeun sésa-sésa tina évolusi, sapertos otot palmaris longus anu ngajulur ti pigeulan leungeun dugi ka sikut. Hiji tina sapuluh jalmi henteu ngagaduhan otot ieu dina kadua pananganna. Upami urang hirup ku cara ngagantung dina tatangkalan, otot-otot ieu bakal kalintang gunana. Otot ieu tiasa ngabantosan ngiatkeun cekelan urang. Ku kituna, henteu seueur jalmi anu ngagaduhan otot ieu, anu mangrupikeun bukti yén otot ieu nuju lalaunan ical tina waruga manusa.
Ku margi éta, otot-otot ieu tinentu mangrupikeun sésa-sésa tina mangsa kapungkur urang salaku primata sareng ngabantah tiori kreasionis. Perkawis ieu bakal kahartos upami Adam sareng Hawa mangrupikeun mahluk anu mirip kera anu biasa lumampah ku cara ngagantung dina tatangkalan, nanging Quran & Hadith sacara mutlak nolak hal éta.
4. Nyarioskeun ngeunaan otot, urang ngagaduhan sababaraha otot anu tiasa ngajantenkeun urang tiasa ngusikeun cepil (otot aurikular/ékstrinsik). Nanging, teu seueur jalmi anu tiasa ngalakukeunana!
Dina seueur sato mamalia, otot ieu ngabantosan aranjeunna pikeun nangtukeun asal sora, sarta mangrupikeun bagean penting tina basa awak. Nanging, pikeun manusa, otot ieu teu aya gunana pisan, jalaran urang ngalieuk atanapi muterkeun mastaka pikeun nangtukeun sumber sora sarta sacara umum henteu komunikasi ngagunakeun cepil.
5. Saluran kahampangan dina pameget ngalangkungan (sanés ngurilingan) kelenjar prostat, anu tiasa ngabareuhan sarta ngahalangan fungsi kahampangan.
6. Perkawis ieu ogé kalintang bahayana jalaran buah zakar urang sacara harfiah ngagantung di dinya tanpa aya panyalindungan, anu hartosna mangrupikeun udagan anu rentan sarta gampil pisan pikeun diserang. Salaku tuladan, monyét biasana bakal nyerang bagian alat kelamin nalika silih serang, jalaran perkawis éta kalintang nyerina sarta tiasa ngaleungitkeun hak istiméwa pikeun baranahan sarta ngawasa.
Aya seueur pilihan anu langkung saé pikeun nempatkeun buah zakar, kalebet di jero waruga manusa sorangan sapertos ovarium anu aya di jero wanita. Perkawis ieu tinentu sanés mangrupikeun masalah pikeun sosok sapertos Gusti, nanging Mantenna milih pikeun nempatkeunana dina lokasi anu kalintang rentan.
Perkawis ieu sanés hal anu pamohalan (utamina pikeun Gusti) jalaran gajah ngagaduhan buah zakar anu kapendem di jero warugana, gigireun ginjal. Panginten upami Allah ngadamel hal anu sami pikeun manusa, klaim Mantenna yén cai mani kaluar tina sela-sela tulang geger sareng tulang rusuk (86:5-7) bakal langkung akurat lol
Kacindekan
Antara sadaya perkawis ieu mangrupikeun hasil tina évolusi sareng seleksi alam, atanapi Allah leres-leres kirang parigel dina ngarancang ciptaan-Na nanging salajengna nyebatkeun yén ciptaan éta “sampurna”.
Utamina nalika perkawis éta kalintang nyusahkeun pikeun urang sarta tiasa ngabalukarkeun pupus sapertos kasendek, jalaran urang dipaksa ngagunakeun struktur anatomi anu sami boh pikeun barangtuang atanapi ngambekan. Nanging nalika aya halangan, aliran hawa bakal mampet sarta tiasa ngabalukarkeun kasendek sarta pupus.
Masih seueur kakirangan dina waruga manusa nanging ieu mangrupikeun sababaraha di antarana anu paling nyata, sababaraha sato malah ngalaman kaayaan anu langkung parah tibatan urang, nanging panginten dina paningal Allah mah perkawis éta téh mangrupikeun ciptaan anu sampurna tanpa aya kakirangan pisan.
Upami salira ngagaduhan tambihan sanésna, mangga tiasa ditambihkeun!
Kiridit: Taha
- Rincian
- Terakhir Diropéa: 24 Juni 2024
Artikel sateuacanna: Ku naon sistem sekuler gagal di nagara-nagara Islam? Artikel salajengna: Démokrasi tanpa Sekulerisme mung saukur Diktator ti Mayoritas